0

وزیر اعظم کا کراچی کیلئے11سوارب کے پیکج کا اعلان

کراچی (مانند نیوز ڈیسک) کراچی پیکیج پر وفاق اور سندھ حکومت کا اشتراک ہوگیا، وزیر اعظم عمران خان نے کراچی کے لیے 11 سو ارب روپے کے پیکج کااعلان کردیا۔وزیراعلی سندھ اور وفاقی وزرا کے ساتھ کراچی میں نیوز بریفنگ دیتے ہوئے وزیر اعظم عمران خان نے کہا کہ کراچی کے مسائل مستقل بنیادوں پر حل کریں گے، سیوریج سسٹم مکمل طورپر ٹھیک کیا جائے گا، سرکلرریلوے بحال کی جائیگی، سالڈ ویسٹ منیجمنٹ کا مسئلہ بھی حل کریں گے۔ان کا کہناتھا کہ کوشش ہوگی کراچی میں پانی کا مسئلہ 3 سال میں حل کرلیا جائے، ٹرانسپورٹ اور سڑکوں کے معاملات بھی پیکج کا حصہ ہیں۔وزیر اعظم نے کہا کہ اب سارے اسٹیک ہولڈرز ایک جگہ پر ہوں گے، فیصلے آسانی سے ہوں گے، سب مل کر کام کریں گے، فیصلوں پر عمل درآمد کی نگرانی کے لیے کمیٹی بھی قائم کردی گئی ہے۔ان کا کہنا تھا کہ بارشوں سے پورے ملک کو نقصان کا سامنا کرنا پڑا ہے۔بریفنگ سے قبل وزیراعظم عمران خان کی زیر صدارت کراچی کمیٹی کا اجلاس ہوا جس میں اسد عمر، شبلی فراز، علی زیدی اور امین الحق بھی شریک ہوئے۔ اس کے علاوہ گورنر سندھ عمران اسماعیل اور وزیراعلی سندھ مراد علی شاہ بھی اجلاس میں شریک ہوئے۔

Share and Enjoy !

Shares

اپنا تبصرہ بھیجیں