دیر بالا (مانند نیوز ڈیسک) ڈپٹی کمشنر دیر بالا شھاب حامِد یوسفزئی کی ہدایت پر ایڈیشنل ڈپٹی کمشنر فنانس اینڈ پلاننگ دیر بالا تنویر احمد نے لام چڑ یونین کونسل پالام علاقہ عشیرئی درہ کا دورہ کیا۔جہاں انہوں نے (ایم۔ایچ۔پی) سکیم کا معائنہ کیا مذکورہ کام ”PEDO“ کے منظور شُدہ ڈیزائن کے خلاف ھے اور نہ ہی ”PEDO“ کے ساتھ لیز کا معاہدہ ھوا ھے انہوں نے متعلقہ ٹھیکدار کو کام بند کرنے اور اپنے دفتر میں رپورٹ پیش کرنے کی ہدایت کی۔اس موقع پر ان کے ہمراہ سینئر انجینئر سی۔ڈی۔ایل۔ڈی آصف جمال بھی موجود ھیں۔اسی طرح ایڈیشنل ڈپٹی کمشنر فنانس اینڈ پلاننگ تنویر احمد نے بارکند اور سیاہ جبر عشیرئی درہ میں دو سکمیں چیک کی۔معائنہ کے دوران کام کے مقدار اور معیار کو غیر تسّلی بخش پایا گیاجس پر تعمیراتی کام کو موقع پر بند کردیا گیا اور متعلقہ ٹھیکدار کو دستاویزات سمیت اپنے دفتر میں پیش ھونے کی ہدایت کی۔اس کے علاوہ گورنمنٹ مڈل سکول تارپتار عشیرئی درہ میں نئے اضافی کمرے اور شمسی توانائی واٹر سپلائی سکیم کا بھی معائنہ کیا اورکام کے معیار کو تسّلی بخش پایا گیا۔
0
