عوام کے مسائل کا حل موجودہ حکومت کی اہم ذمہ داری ہے، فضل حکیم

سوات (مانند نیوز ڈیسک) پاکستان تحریک انصاف ملاکنڈ ڈویژن کے صدر و چیئرمین ڈیڈیک سوات فضل حکیم خان یوسفزئی نے پیر کے روز اپنے حجرہ مکان باغ میں مختلف علاقوں سے آئے ہوئے لوگوں اور وفود کے مسائل انتہائی توجہ سے سنے اور انہیں ترجیحی بنیادوں پر حل کرانے کی یقین دہانی کرائی اور اس ضمن میں مختلف محکموں کو ہدایات جاری کیں جبکہ بعض لوگوں کے مسائل موقع پر ہی حل کئے اس موقع پر فضل حکیم خان نے لوگوں سے اظہار خیال کرتے ہوئے کہا کہ عوام کے مسائل کا حل موجودہ حکومت کی اہم ذمہ داری ہے ہم عوام کے سامنے جوابدہ ہے پاکستان تحریک انصاف کی سیاست کا مقصد فلاحی ریاست کا حصول ہے اس موقع پر آئے ہوئے مختلف وفود نے بعض مسائل کے فوری حل اورذاتی دلچسپی لینے پر فضل حکیم خان کاتہہ دل سے شکریہ ادا کیا اور انہیں اپنے مکمل تعاون کا یقین دلایا۔