اسلام آباد (مانند نیوز ڈیسک) اشیائے صرف کی قیمتوں میں کمی سے متعلق اجلاس موخر جبکہ(آج)منگل کو ہوگا۔وزیراعظم عمران خان کی زیر صدارت مہنگائی میں کمی کے لئے پیر کو ہونے والا اجلاس موخر کر دیا گیا، اب یہ اجلاس (آج) منگل کو کابینہ اجلاس کے بعد ہوگا۔ اہم اجلاس میں معاون خصوصی عثمان ڈار ذخیرہ اندوزوں اور ناجائز منافع خوروں کی نشاندہی کیلئے ٹائیگر فورس کو متحرک کرنے کیلئے جامع روڈ میپ پیش کرینگے۔ وزیراعظم نے صوبائی چیف سیکرٹریز اورمعاشی ٹیم کو بھی طلب کر لیا۔ اعلی سطح کے اجلاس میں مہنگائی ذخیرہ اندوزوں کے خلاف ایکشن لینے کی منظوری دی جائے گی۔
0
