وزیراعلیٰ کے پی کا دھماکے کے شہدا اور زخمیوں کیلئے امداد کا اعلان

پشاور (مانند نیوز ڈیسک) وزیراعلیٰ خیبر پختونخوا محمود خان نے پشاور دھماکے میں شہید اور زخمی ہونے والوں کے لیے امدادی پیکج کا اعلان  کردیا۔وزیراعلیٰ محمود خان نے پشاور کی مسجد میں ہونے والے دھماکے میں شہید ہونے والے افراد کے لواحقین کو 5 لاکھ روپے فی کس جب کہ زخمیوں کو2، 2 لاکھ روپے دینے کا اعلان کیا ہے۔  انہوں نے کہا کہ بم دھماکے کے متاثرین کے دکھ میں برابر کے شریک ہیں، لیکن کسی کو بھی امن کے عمل کو سبوتاژ کرنے نہیں دیں گے۔خیال رہے کہ پشاور کے علاقے دیر کالونی کی مسجد میں ہونے والے دھماکے میں 7 افراد جاں بحق اور 100 سے زائد زخمی ہوئے ہیں۔