مردان پولیس کا جرائم پیشہ عناصر کیخلاف ضلع بھر میں کارروائی

تخت بھائی (مانند نیوز ڈیسک) مردان، پولیس کا جرائم پیشہ عناصر کیخلاف ضلع بھر میں کارروائیاں جاری۔نیشنل ایکشن پلان کے تحت تھانہ شیخ ملتون، تھانہ لوند خوڑ، تھانہ ساڑو شاہ اور تھانہ رستم پولیس کا کومبنگ آپریشن۔05مجرمان اشتہاری، جرائم پیشہ عناصر کے06سہولت کاروں سمیت 41مشتبہ افراد گرفتار،منشیات اور اسلحہ برآمد۔تفصیلات کے مطابق ڈی پی او ڈاکٹر زاہد اللہ کا جرائم پیشہ عناصر کیخلاف جاری واضح احکامات کے پیش نظر سرکل ایس ڈی پی اوز کی نگرانی اورمتعلقہ ایس ایچ اوز کی قیادت میں نیشنل ایکشن پلان کے تحت تھانہ شیخ ملتون، تھانہ لوند خوڑ، تھانہ ساڑو شاہ اور تھانہ رستم پولیس کے ملحقہ علاقوں میں ضلعی پولیس نے کومبنگ آپریشن کرتے ہوئے سنگین نوعیت کے مقدمات میں مطلوب05مجرمان اشتہاری، جرائم پیشہ عناصر کے 06سہولت کاروں سمیت 41مشتبہ افراد کو گرفتار کیا گیا،35مکانات چیکنگ کے دوران05غیر رجسٹرڈ کرایہ داروں کے خلاف قانونی کارروائی عمل میں لائی گئی، دوران آپریشنز1635 گرام چرس،01 شارٹ گن،10 عدد پستول اور89عدد کارتوس برآمد کئے گئے۔پولیس نے جدید سائنسی آلات کے ذریعے60موٹر سائیکلوں،120گاڑیوں اور135مشکوک افراد کا ڈیٹا چیک کیاجس میں 28افراد کو زیر دفعہ 107/151اور 13 افراد کو 55/109کے تحت گرفتار کیا گیا۔