کراچی (مانند نیوز ڈیسک) کراچی کے مصروف ترین علاقے گلبائی سے ہاکس بے جانے اور آنے والی سڑک ٹریفک کے لیے بند کر دی گئی۔ٹریفک پولیس کے مطابق گلبائی سے ہاکس بے جانے والی سڑک کو ترقیاتی کاموں کے لیے بند کیا گیا ہے۔ٹریفک پولیس کا مزید کہنا ہے کہ گلبائی سے ہاکس بے جانے والی سڑک 45 روز کے لیے بند کر دی گئی ہے۔ٹریفک پولیس کا یہ بھی کہنا ہے کہ ٹریفک کو ناردرن بائی پاس سے حب ریور روڈ اور مواچھ گوٹھ کی طرف موڑا جا رہا ہے۔واضح رہے کہ گلبائی تا ہاکس بے روڈ پہ ماڑی پور کا ٹرک اڈہ بھی واقع ہے، جہاں سے ہزاروں کی تعداد میں ٹرالرز کی پورے ملک میں سامان کی ترسیل کے سلسلے میں روزانہ آمد و رفت کا سلسلہ جاری رہتا ہے۔سڑک کی بندش سے ان ٹرالرز کی آمد و رفت کا سلسلہ متاثر ہو گا۔
0
