0

عورت مارچ آرگنائزرز کے خلاف درخواست پر ہائی کورٹ کا نیا بنچ تشکیل

 اسلام آباد (مانند نیوز ڈیسک) اسلام آباد ہائیکورٹ میں عورت مارچ آرگنائزرزکے خلاف کارروائی کے لیے دائردرخواست پر نیا بنچ تشکیل دے دیا گیا۔ جسٹس عامر فاروق پر مشتمل عورت مارچ کے آرگنائزرز کے خلاف درخواست پر سماعت کریں گے جبکہ ہائی کورٹ کے رجسٹرارآفس نے کیس 26 اپریل کو سماعت کے لیے مقرر کردیا ہے۔شہدا فاونڈیشن کی جانب سے طارق اسد ایڈووکیٹ نے درخواست دائر کررکھی ہے۔ استدعا کی گئی ہے کہ عورت مارچ اور ویلنٹائنز ڈے جیسے دیگر ایونٹس پرپابندی کے احکامات جاری کیے جائیں، کیا پاکستان میں خواتین کو قانونی حقوق حاصل نہیں؟ غور کے لیے معاملہ اسلامی نظریاتی کونسل کو بھجوایا جائے اورغیرملکی این جی اوز اور پاکستانی این جی اوز کی غیر ملکی فنڈنگ کا ریکارڈ طلب کیا جائے۔واضح رہے کہ جسٹس میاں گل حسن اورنگزیب نے نئے بنچ کی تشکیل کے لیے فائل چیف جسٹس کو بھیجوائی تھی۔

خبر پر آپ کی رائے

اپنا تبصرہ بھیجیں