0

ملاکنڈ ڈپٹی کمشنر کا بٹ خیلہ بازار کا دورہ

ملاکنڈ (مانند نیوز ڈیسک) ڈپٹی کمشنر و کمانڈنٹ ملاکنڈ لیویز سہیل خان نے منگل کے روز اسسٹنٹ کمشنر بٹ خیلہ سہیل احمد کے ہمراہ بٹ خیلہ بازار کا دورہ کیا اور وہاں پر کورونا وباء کے تیسرے لہر سے بچاؤ کیلئے حکومتی ایس او پیز کا جائزہ کیا۔انھوں نے اس موقع پر اسسٹنٹ کمشنر کو ہدایت کی کہ بازار میں وضع کردہ ایس او پیز کو ہر حالت میں نافذ کیا جائے اور اس کی خلاف ورزی کرنے والوں کے خلاف فوری اور سخت ایکشن لیا  جائے۔انھوں نے بازار میں گھومنے والے عوام میں فری فیس ماسک بھی تقسیم کئے۔اس موقع پر انھوں نے کہا کہ کورونا وباء کے تدارک کیلئے احتیاط انتہائی لازمی ہے اور عوام کو چاہیے کہ وہ بلاوجہ نقل و حمل محدود کریں اور بازاروں میں رش سے بچے جبکہ حکومتی ایس او پیز پر عمل کریں۔

خبر پر آپ کی رائے

اپنا تبصرہ بھیجیں