ایبٹ آباد، اسسٹنٹ کمشنر کا مختلف بازاروں اور ویگن اڈوں کا دورہ

 ایبٹ آباد (مانند نیوز ڈیسک) کورونا وائرس کی تیسری شدید لہر کے تناظر میں ڈپٹی کمشنر بٹگرام عبد الحمید خان کی خصوصی ہدایت پر  اسسٹنٹ کمشنر آلائی نور محمد آفریدی  نے ایس ڈی پی او آلائی کے ہمراہ کو رو نا ایس پو پیزپر عمل درآمد کو  یقینی بنانے کے لیے آلائی کے مختلف بازاروں اور ویگن اڈوں کا دورہ کیا اور لوگوں میں مفت ماسک تقسیم کئے۔ اس کے علاوہ کرونا ایس او پیز پر عمل درآمد نہ کرنے پر کئی ڈرائیورز اور ٹرانسپورٹرز پر جرمانہ عائد کیا۔بعد میں اسسٹنٹ کمشنر آلائی نے بی ایچ یو راشنگ، ترقیاتی منصوبہ بیاری خوڑ پل اور بیاری خوڑ بازار کا دورہ کیا، بازار میں اشیائے خوردونوش کی قیمتیں اور معیار کو چیک کیا، بی ایچ یو میں سٹاف کی حاضری اور دیگر بنیادی سہولیات کو چیک کیا، بیاری خوڑ پل پر جاری کام کی معیار اور رفتار کو چیک کیا اور متعلقہ کنٹریکٹر کو ہدایت دی کہ کام کی معیار اور رفتار کو تیز کیا جائے تاکہ عوام کو اس منصوبے سے جلد از جلد فائدہ مل سکے۔