0

امتحانات کی تیاری کیلئے ایپ تیار کرلی، وزیر تعلیم خیبر پختونخوا

پشاور (مانند نیوز ڈیسک) خیبر پختونخوا کے وزیر تعلیم شہرام ترکئی نے کہا ہے کہ رواں ماہ امتحانات کی تیاری کے لیے ایپ تیار کر لی ہے۔خیبر پختونخوا کے وزیر تعلیم شہرام ترکئی نے پریس کانفرنس کرتے ہوئے کہا کہ صوبے میں کورونا سے تعلیمی ادارے متاثر ہوئے اور جہاں کورونا کی شرح 5 فیصد سے کم ہے ان اضلاع میں اسکولز کھول دیے گئے ہیں۔انہوں نے کہا کہ پہلے مرحلے میں دسویں اور بارہویں کے امتحانات لینے کی کوشش کر رہے ہیں اور رواں ماہ امتحانات کی تیاری کے لیے ایپ بھی تیار کر لی ہے۔وزیر تعلیم نے کہا کہ بچوں کے آسانی کے لیے ن نامی کمپنی محدود کورس کی تیاری کروائے گا، طلبا 3سے رات 10بجے تک ایپ سے فری آن لائن کلاسز لے سکتے ہیں۔انہوں نے کہا کہ خیبر پختونخوا میں 34 ہزار اسکولز ہیں اور حکومت سب کو ٹیکنالوجی فراہم نہیں کرسکتی۔ اگلے سال تمام اسکولز میں فرنیچر فراہم کیے جائیں گے۔

خبر پر آپ کی رائے

اپنا تبصرہ بھیجیں