0

راولپنڈی اسلام آباد کے درمیان سیاحتی بس سروس بحال

اسلام آباد (مانند نیوز ڈیسک) راولپنڈی اوراسلام آباد کے درمیان چلنے والی ڈبل ڈیکرسیاحتی بس سروس بحال ہو گئی۔ ڈبل ڈیکر بس سروس کورونا کے باعث سیاحتی مقامات کی بندش پر بند کردیا گیا تھا۔ڈبل ڈیکر بس راولپنڈی کے علامہ اقبال پارک سے چلتی ہے اور سیاحوں کو اسلام آباد کے تفریحی مقامات کی سیر کراتی ہے۔انتظامیہ کی طرف سے بس میں سفر کے لیے ایس او پیز جاری کی گئی ہیں۔ بس سروس میں کھڑے ہو کر سفر کرنے پر پابندی ہوگی۔ مسافر سیٹ پر بیٹھ کر سفر کرسکیں گے۔ مسافروں کے لیے دوران سفر ماسک پہنا لازمی ہوگا۔ڈبل ڈیکر بس سروس پی ایچ اے اور ٹوارزم ڈویلپمنٹ کارپوریشن کے اشتراک سے چلائی جا رہی ہے۔ سیاحتی بس کا روٹ فیصل مسجد، دامن کوہ، شکرپڑیاں، بلیو ایریا  اور لوک ورثہ پر مشتمل ہے۔سیاح پارلیمنٹ ہاؤس، سپریم کورٹ اور نیشنل میوزیم بھی دیکھ سکتے ہیں۔ بس میں 60افراد سوار ہو سکتے ہیں۔ کم عمر بچوں اور خصوصی افراد کیلئے سفرمفت ہے۔

خبر پر آپ کی رائے

اپنا تبصرہ بھیجیں