0

علامہ اقبال اوپن یونیورسٹی میں سمسٹر ٹرمینل امتحانات (STE) جاری

 سوات (مانند نیوز ڈیسک) علامہ اقبال اوپن یونیورسٹی میں سمسٹر ٹرمینل امتحانات (STE) جاری ہیں۔طلبا ء اپنی تخلیقی صلاحیتوں کو بروئے کار لائے۔ سلطان روم۔ ریجنل ڈائریکٹر علامہ اقبال اوپن یونیورسٹی سوات ریجن کے دفتر سے جاری بیان کے مطابق طلباء کے سمسٹرٹرمینل امتحانات 5جون سے شروع ہیں۔بیان میں کہاگیاکہ طلباء کو چاہئے کہ اپنی تخلیقی صلاحیتوں کوبروئے کار لائیں۔اپنے الفاظ میں سوالات کے جوابات دیں۔ انٹرنیٹ، فیسبک، واٹس ایپ اور دیگرتمام ایسے مواد سے بچتے رہیں جو پرچہ حل کرنے میں ناجائزطور پرمعاؤن ہوں۔انہوں نے اس بات پر زوردیتے ہوئے کہاکہ طلباء اپنے مطالعہ کو ترجیح دیں اورچربہ سازی اور نقل سے بچتے رہیں۔یادرہے کہ امتحانی قوانین کے مطابق ممتحن پرچے کو جانچے گا اور اگر ایسے مواد ثابت ہوئے جوپرچہ حل کرنے میں معاؤن رہے تو ایسے طلباء کے خلاف انضباطی کاروائی کی جائیگی۔

خبر پر آپ کی رائے

اپنا تبصرہ بھیجیں