پشاور (مانند نیوز ڈیسک) کوررونا کیسز میں کمی آنے کے بعد لیڈی ریڈنگ ہسپتال پشاور میں محدود مریضوں کے لئے آج (پیر کو) او پی ڈی کھول دی جائے گی۔ہسپتا ل حکام کے مطابق کورونا کے بڑھتے ہوئے کیسز کے پیش نظر گذشتہ تین ماہ سے ہسپتا ل کی او پی ڈی کو بند رکھا گیا تاہم صوبے میں کورونا مثبت کیسز کی تعداد میں کمی آنے کے بعد لیڈی ریڈنگ ہسپتا ل کی او پی ڈی کو محدود مریضوں کے لئے کھولا جا رہا ہے۔ہسپتال ترجمان کے مطابق ابتدائی طور پربہت ضروری یونٹس کی او پی ڈی کھولی جا رہی ہے، ہسپتا ل میں کورونا ایس او پیز پر عمل درآمد کو یقینی بنائیں گے۔ہسپتال میں کورونا مریضوں کو بھی بلا تعطل علاج فراہم کیا جا رہا ہے، لیڈی ریڈنگ ہسپتا ل میں اس وقت کورونا سے متاثرہ 90مریض زیرعلاج ہیں جن میں 6مریض آئی سی یو میں ہیں۔
0