0

پارلیمنٹ ہاؤس کے سامنے مشکوک شخص گرفتار

اسلام آباد (مانند نیوز ڈیسک) اسلام آباد میں پارلیمنٹ ہاؤس کے سامنے سے ایک مشکوک شخص کو گرفتارکر لیا گیا۔ مشکوک شخص سے پستول برآمد ہوئی ہے۔ گرفتار شخص کو تھانہ سیکرٹریٹ منتقل کردیا گیا ہے۔ گرفتار شخص نے منہ کو سفید کپڑے سے ڈھانپ رکھا تھا جبکہ اس نے سینے پر بھی چادر لپیٹ رکھی تھی۔ گرفتار شخص نے پستول دکھا کر تین سے چار گاڑیوں کو روکنے کی کوشش کی جس کے بعد وائرلس پر اطلاع دی گئی اور ڈی آئی جی آپریشنز  افضال کھوکھر نے  فوری طور پر پولیس کی ٹیم روانہ کی۔ پولیس نے مشکوک شخص  کو گرفتار کر کے تھانہ سیکرٹریٹ منتقل کردیا ہے تاہم ابھی تک گرفتار شخص کی جانب سے کوئی مطالبہ سامنے نہیں آسکا ہے۔

خبر پر آپ کی رائے

اپنا تبصرہ بھیجیں