0

لڑکی سے زیادتی کے الزام میں سیکشن افسر گرفتار

اسلام آباد (مانند نیوز ڈیسک) سرکاری افسر پر20سالہ لڑکی کی جانب سے مبینہ طور پر زیادتی کرنے کے الزام پر پولیس نے مقدمہ درج کر کے گریڈ17کے افسررانا ا سہیل اختر کو گرفتار کر لیا۔ متاثرہ لڑکی کی جانب سے تھانہ شہزاد ٹاؤن میں درج کروائی گئی ایف آئی آر کے متن میں کہا گیا ہے کہ گرفتار افسر نے اسے نوکری دلوانے کے بہانے کوہاٹ سے بلوایا اور این سی آرسی کے ہاسٹل میں لے جاکر مبینہ طور پر زیادتی کا نشانہ بنایا۔ گرفتار افسر رانا سہیل اختر اسٹیبلشمنٹ ڈویژن میں بطور سیکشن آفیسر تعینات ہیں۔ متاثرہ لڑکی کی عمر 20سال ہے اوراس کا تعلق کوہاٹ سے ہے۔ گذشتہ رات ہی متاثرہ خاتون نے این اے آرسی کے ہاسٹل سے نکلنے کے بعد 15پر کال کی جس پر پولیس اور لیڈی پولیس کی نفری موقع پر پہنچ گئی اور لڑکی کو دارالامان منتقل کیا۔ متاثرہ لڑکی کا بیان قلمبند کرنے کے بعد باقاعدہ طور پر ایف آئی آر درج کر لی گئی  جبکہ پولیس نے رانا سہیل اختر کو گرفتار کر کے مزید تفتیش شروع کردی ۔

خبر پر آپ کی رائے

اپنا تبصرہ بھیجیں