اسلام آباد (مانند نیوز ڈیسک) سعودی وزیرخارجہ فیصل بن فرحان آج (منگل کو) دورہ پر پاکستان پہنچیں گے۔ترجمان دفتر خارجہ کے مطابق سعودی وزیرخارجہ فیصل بن فرحان السعود کو شاہ محمود قریشی نے دورے کی دعوت دی تھی، وہ اعلیٰ سطح کے وفد کے ہمراہ آج (منگل کو) پاکستان کا دورہ کریں گے، وزیراعظم کے مئی میں دورہ سعودیہ کے تناظرمیں یہ اہم دورہ ہے۔ترجمان دفتر خارجہ کے مطابق سعودی وزیرخارجہ کے دورہ پاکستان میں دوطرفہ، علاقائی و بین الاقوامی امور پر تبادلہ خیال ہوگا جبکہ سعودی وزیرخارجہ دوسری اعلیٰ شخصیات سے بھی ملاقاتیں کریں گے۔
0
