0

کراچی، سینٹرل پولیس آفس میں ویکسین نہ لگانے والوں کا داخلہ بند

کراچی (مانند نیوز ڈیسک) آئی جی سندھ مشتاق مہر کی جانب سے کراچی کے سینٹرل پولیس آفس میں ویکسی نیشن نہ کرانے والوں کا داخلہ بند کر دیا گیا۔اس ضمن میں آئی جی سندھ مشتاق مہر کی جانب سے حکم نامہ بھی جاری کر دیا گیا ۔آئی جی سندھ کے جاری کئے گئے حکم نامے میں کہا گیا کہ اس پابندی کا اطلاق ناصرف مہمانوں پر بلکہ پولیس ملازمین پر بھی ہو گا۔آئی جی سندھ مشتاق مہر کا یہ بھی کہنا ہے کہ کورونا وائرس کے پھیلاو کو روکنے کے لیے محکمہ داخلہ کی ہدایت پر عمل کیا گیا۔انہوں نے یہ بھی کہا ہے کہ سینٹرل پولیس آفس کراچی میں حاضری 50 فیصد تک رکھی جائے گی۔

خبر پر آپ کی رائے

اپنا تبصرہ بھیجیں