0

بغیر کورونا ویکسین ریلوے کے سفر پر پابندی عائد

اسلام آباد (مانند نیوز ڈیسک) نیشنل کمانڈ اینڈ آپریشن سینٹر نے یکم اکتوبر سے ویکسی نیشن کے بغیر ریلوے کے سفر پر پابندی کا اعلان کردیا۔ وفاقی وزیر منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر کا اجلاس ہوا جس میں ملک میں کورونا کی صورت حال اور اس سے بچاو کے لیے ویکیس نیشن پر غور کیا گیا۔اجلاس میں ملک اور خاص کر راولپنڈی اور پشاور میں کورونا کے بڑھتے ہوئے پھیلاو پر اظہارِ تشویش کیا گیا اور متعلقہ اکائیوں کو کورونا ایس او پیز پر عمل درآمد کرانے کی ہدایات کی گئیں۔ اجلاس میں فیصلہ کیا گیا کہ یکم اکتوبر 2021 سے صرف ویکسینیٹڈ شہری ہی ریلوے پر سفر کر سکیں گے۔اجلاس کے دوران محرم الحرام کی آمد کے پیشِ نظر کیے جانے والے اقدامات پر بھی غور کیا گیا۔ فورم نے ویکسینیشن کے عمل پر اظہارِ اطمینان جب کہ ویکسی نیشن کی دوسری خوراک بروقت لگوانے کے لیے اقدامات اٹھائے جانے پر زور دیا گیا۔

Share and Enjoy !

Shares

اپنا تبصرہ بھیجیں