کراچی (مانند نیوز ڈیسک) پاکستان پیپلز پارٹی کے چیئرمین بلاول بھٹو زرداری نے کہا ہے کہ اگلے انتخاب میں جیالے کامیاب ہوں گے۔سابق صدر آصف علی زرداری اور چیئرمین پاکستان پیپلزپارٹی بلاول بھٹو سے راجہ پرویز اشرف نے ملاقات کی جس میں ملکی سیاسی، پنجاب میں پیپلزپارٹی کی تنظیمی صورتحال پر بات چیت کی گئی۔ پیپلزپارٹی کے رہنما نے پارٹی میں شمولیت کے خواہاں افراد سے متعلق آگاہ کیا۔اس موقع پر بلاول بھٹو زراری نے کہا کہ ملک بھر سے مختلف پارٹیوں کے سیاسی رہنما رابطے میں ہیں، عمران خان عوام کے سامنے بے نقاب ہوچکے ہیں۔انہوں نے کہا کہ پیپلزپارٹی کی ہوا چل پڑی، اگلے انتخاب میں جیالے کامیاب ہوں گے،پیپلزپارٹی ہی ملک کو بحرانوں سے نکالے گی۔
0
