پشاور میں سبزیوں کی قیمتوں میں زبردست اضافہ

پشاور (مانند نیوز ڈیسک) پشاور میں سبزیوں اور پھلوں کی قیمتوں میں زبردست اضافہ کر دیاگیا۔شہریوں کو خریداری میں پریشانی کا سامنا۔تفصیلات کے مطابق شہر میں سبزیوں کی قیمتوں میں 10 سے20 روپے کاخودساختہ اضافہ کر دیاگیاہے اورتمام بازاروں میں سرکاری نرخ نامہ نظراندازکردیا گیا جبکہ انتظامیہ منظر سے غائب ہے۔شہرمیں بھنڈی،پیاز،ٹماٹر،آلو کوسرکاری نرخ سے10سے 20 روپے زیادہ میں فروخت کیاجارہاہے۔شہر میں آلو فی کلو 50 کے بجائے 60 روپے، بھنڈی 60 کے بجائے 80،کدو 40 کی جگہ 60،ادرک 400،لہسن 300 فی کلومیں فروخت ہورہے ہیں۔شہریوں نے قیمتوں کو کنٹرول کرنے کیلئے سخت کارروائی کرنے کا مطالبہ کیاہے۔