0

مشترکہ مفادات کونسل نے بجلی کی پیداوار کا طویل مدتی پلان منظور کرلیا

اسلام آباد (مانند نیوز ڈیسک) مشترکہ مفادات کونسل نے بجلی کی پیداوار کا طویل مدتی پلان منظور کرلیا۔سماجی رابطے کی ویب سائٹ ٹویٹر پر اپنی ٹویٹ میں وفاقی وزیر برائے توانائی حماد اظہر نے کہاکہ بجلی کی پیداوار کا طویل مدتی پلان 2005 سے زیر التوا تھا، اس پلان کے تحت مستقبل میں طلب و رسد کی پروجیکشن دیکھ کر بجلی پیدا کی جائے گی، پلان کے حوالے سے صوبوں کے ساتھ طویل مشاورت کی گئی ہے،انہوں نے کہا کہ مستقبل میں مسابقتی بنیادوں پر سستے ایندھن سے بجلی پیدا کی جائے گی، نئے پلان کی منظوری کے بعد مہنگی بجلی کی پیداوار کا خاتمہ ہوگا، مستقبل میں زیادہ کیپسٹی اور غیر شفاف انداز میں ٹھیکے دینے کا خاتمہ ہوگا، ماضی میں ایسے پلان بنا کر گردشی قرضے اور دیگر مسائل سے بچا جاسکتا تھا۔

خبر پر آپ کی رائے

اپنا تبصرہ بھیجیں