0

ڈریپ کا جعلی، سمگل شدہ کورونا ادویات کیخلاف کارروائی کا فیصلہ

اسلام آباد (مانند نیوز ڈیسک) ڈرگ ریگولیٹری اتھارٹی آف پاکستان (ڈریپ) نے جعلی اور سمگل شدہ کورونا وائرس کی ادویات کے خلاف کارروائی کا فیصلہ کر لیا۔ڈرگ ریگولیٹری اتھارٹی آف پاکستان(ڈریپ)کے سی ای او نے ایڈیشنل ڈائریکٹرز کو کارروائی کے لیے مراسلہ لکھ دیا۔سی ای او ڈریپ عاصم روف نے مراسلے کے ذریعے ملک بھر میں مارکیٹوں اور فارمیسی پر کڑی نظر رکھنے کا حکم دیا ہے۔مراسلے میں کہا گیا ہے کہ دنیا بھر کو کورونا وائرس کی ادویات کی قلت کا سامنا ہے، مفاد پرست عناصر کورونا ادویات کی اس قلت کا فائدہ اٹھا رہے ہیں۔سی ای او ڈریپ نے اپنے مراسلے میں مزید کہا ہے کہ جعلی یا اسمگل شدہ کورونا وائرس کی ادویات بیچنے والوں کے خلاف فوری کارروائیاں کی جائیں۔مراسلے میں سی ای او ڈریپ عاصم روف کا یہ بھی کہنا ہے کہ جعلی اور اسمگل شدہ ادویات کی فروخت ناقابلِ معافی جرم ہے۔

خبر پر آپ کی رائے

اپنا تبصرہ بھیجیں