مردان، ایڈیشنل اسسٹنٹ کمشنر کی تحت بھائی کے مختلف علاقوں میں کاروائی

            ڈپٹی کمشنر (مانند نیوز ڈیسک) مردان  حبیب اللہ عارف  کی ہدایات پر ایڈیشنل اسسٹنٹ کمشنر تخت بھائی اقبال حسین خٹک و فرمان علی کی تحت بھائی کے مختلف علاقوں میں کاروائی۔ایڈیشنل اسسٹنٹ کمشنرز نے اشیاء خوردنوش کی دکانوں پر کورونا وباء کے پیش نظرجاری کردہ ایس او پیز پر عملدرامد، زائد المعیاد اشیاء کی فروخت، صفائی ستھرائی، سرکاری نرخنامہ اویزاں کرنے اور اسکے مطابق فروخت کی چیکینگ کی اور خلاف ورزی کرنے والوں پر جرمانے عائد کئے جبکہ ایڈیشنل اسسٹنٹ کمشنر اقبال حسین نے لوندخوڑ ہسپتال کا اچانک دورہ کرتے ہوئے جاری کورونا ویکسینیشن سمیت دیگر شعبوں کا دورہ کیا اور مریضوں کو فراہم کی جانے والی سہولیات کا جائزہ لیا، اس موقع پر  ڈینگی وارڈ  میں موجود مریضوں کے حوالے سے پوچھ گچھ کی، ایڈیشنل اسسٹنٹ کمشنر کورونا ویکسینیشن، ڈینگی مریضوں اور  دیگر کے حوالے سے انتظامیہ کو ضروری ہدایات جاری کیں۔مذید ایڈیشنل اسسٹنٹ کمشنر فرمان علی نے کنکریٹ بلاک  فیکٹریوں کا دورہ کیا اور ڈینگی مچھر سے  بچاؤ کیلئے احتیاطی تدابیر اپنانے، ٹینکیوں کو ڈھانپنے، ٹینکیوں /ٹائروں  میں  بلا ضرورت پانی جمع نہ کرنے  کے حوالے سے ہدایات جاری کیں۔