0

سوات،ملائیشین پام ائل بورڈ نے پام ائل کی افادیت کے حوالے سے سیمینار کا انعقاد

سوات (مانند نیوز ڈیسک) ضلع سوات میں خیبرپختونخوا فوڈسیفٹی اینڈ حلال فوڈاتھارٹی کے تعاون سے ملائیشین پام ائل بورڈ نے پام ائل کی افادیت کے حوالے سے سیمینار کا انعقاد کیا جسمیں ریجنل ڈائریکٹر فوڈاتھارٹی اسد قاسم، سوات ٹریڈفیڈرشن کے صدر عبدالرحیم، پاپس ایسوسیشن، بیکرز، ریسٹورنٹس وغیرہ سے وابستہ افراد نے شرکت کی۔ ریجنل ڈائریکٹر اسد قاسم نے معزز مہمانوں کو خوش آمدید کہا اور خوردنی تیل کے استعمال سے وابستہ کاروباری نمائندوں کیساتھ تفیصلی نشست لی، عوام کو خوردنی تیل کی  معیاری فراہمی میں فوڈ اتھارٹی کے کردار پر بھی شرکا کو آگاہ کیا۔اس حوالے سے ملائیشین حکومت کے کاوشوں کو بھی سراہا اور ملائیشین پام ائل بورڈ کے نمائیندوں کو مفاد عامہ کیلیے اس طرح کے کاوشوں میں مدد کی یقین دہانی کروائی۔ ملائیشین حکومت کے نمائیندہ خصوصی جہوری منال اور ان کی ٹیم نے پام ائل کے خصوصیات اور افادیت پر تفصیل کے ساتھ روشنی ڈالی۔تاجر برادری کے صدر عبدالرحیم نے فوڈاتھارٹی کی اس کاوش کو بیحد سراہا اور عوام کی مفاد کیلیے ایسے سیمنار کے انعقاد پر فوڈاتھارٹی کو خراج تحسین پیش کیا اور ملائیشین حکومت کے نمائیندوں کا شکریہ ادا کیا۔علاوہ ازیں ڈپٹی ڈائریکٹر اسد قاسم نے آخر میں شرکاء میں شیلڈ تقسیم کئے۔ ڈپٹی ڈاائریکٹر کا مزید کہنا تھا کہ انسپکشنزکیساتھ ساتھ فوڈ اتھارٹی کے طرف سے عوام میں محفوظ خوراک کے حوالے سے آگاہی اجاگر کرنے کیلیے اس طرح کے سیمنار کا انعقاد باقاعدگی سے کیا جائیگا تاکہ عوام کو محفوظ اور صاف خوراک فراہمی یقینی بنائی جاسکے۔

خبر پر آپ کی رائے

اپنا تبصرہ بھیجیں