0

کوہاٹ پولیس نے منشیات اور پاکستانی جعلی کرنسی سمگل کرنے کی کوشش ناکام بنادی

کوہاٹ (مانند نیوز ڈیسک) کوہاٹ پولیس نے لاکھوں مالیت کی منشیات اور پاکستانی جعلی کرنسی سمگل کرنے کی کوشش ناکام بنا دی۔ تفصیلات کے مطابق انڈس ہائی وے پر دو مختلف کارروائیوں میں منشیات اور جعلی کرنسی کے تین بین الاضلاعی سمگلرز گرفتار کر لیے گئے۔کارروائی مسلم آباد پولیس چیک پوسٹ پر چیکنگ کے دوران عمل میں لائی گئی۔منشیات موٹر کار کے خفیہ خانوں اور جعلی کرنسی فلائنگ کوچ میں سوار سمگلر کے قبضے سے برآمد کی گئی۔کارروائی میں منشیات سمگلرز سے ساڑھے 52 کلو گرام چرس اور کرنسی سمگلر سے ساڑھے نو لاکھ روپے کی جعلی کرنسی برآمد کی گئی۔پکڑی گئی منشیات اور جعلی کرنسی خیبر اور درہ آدم خیل سے جنوبی اضلاع کو سمگل کی جارہی تھی۔زیر حراست سمگلرز کے خلاف تھانہ جرما میں الگ الگ مقدمات درج کر لئے گئے ہیں۔

خبر پر آپ کی رائے

اپنا تبصرہ بھیجیں