امریکہ افغانستان کے اثاثے بحال کرے، وزیرخارجہ کا خط

کابل (مانند نیوز ڈیسک) افغانستان کے قائم مقام وزیرخارجہ امیرخان متقی نے اثاثوں کی بحالی کیلئے امریکا کوخط لکھ دیا۔افغان میڈیا کے مطابق امریکی حکومت کولکھے گئے خط میں قائم مقام افغان وزیرخارجہ عامرخان متقی نے کہا ہے کہ افغان اثاثوں کو منجمد کرنا نہ تو امریکی عوام کا مطالبہ ہے اورنہ ہی اس سے مسائل حل ہوں گے اس لئے امریکی حکومت افغانستان کے اثاثے بحال کرے۔قائم مقام افغان وزیرخارجہ نے بینکوں میں موجود اثاثے بھی بحال کرنے کا مطالبہ کیا۔افغانستان اورامریکا کے درمیان اب کوئی براہ راست تنازع نہیں رہا۔افغان عوام کومعاشی تحفظ کے چیلنج کا سامنا ہے۔