0

بنگلادیش کیخلاف پہلا ٹی ٹوئنٹی، پاکستان کے 12 کھلاڑیوں کا اعلان

لاہور (مانند نیوز ڈیسک) بنگلا دیش کے خلاف پہلے ٹی ٹوئنٹی انٹرنیشنل میچ کے لیے پاکستان کے 12 کھلاڑیوں کا اعلان کردیا گیا، خوشدل، حیدر اور نواز شامل جبکہ آصف علی اور عماد کو ٹیم میں شامل نہیں کیا گیا ہے۔ہیں۔پاکستان نے بنگلہ دیش کے خلاف پہلے ٹی ٹوئنٹی انٹرنیشنل میچ کے لیے اپنے 12 کھلاڑیوں کا اعلان کردیا ہے، دونوں ٹیموں کے مابین تین میچز پر مشتمل ٹی ٹوئنٹی سیریز کا پہلا میچ آج (جمعہ کو) شیر بنگلا کرکٹ اسٹیڈیم میں کھیلا جائے گا۔قومی ٹیم کے اعلان کردہ 12 کھلاڑیوں میں بابر اعظم(کپتان)،شاداب خان(نائب کپتان)،خوشدل شاہ،فخر زمان،حیدر علی، حارث روف، حسن علی، محمد نواز، محمد رضوان(وکٹ کیپر)، محمد وسیم جونیئر، شاہین شاہ آفریدی اور شعیب ملک شامل ہیں۔سیریز کا دوسرا اور تیسرا ٹی ٹوئنٹی انٹرنیشنل میچ بھی بالترتیب 20اور 22نومبر کو اسی مقام پر کھیلا جائے گا۔واضح رہے کہ میچ پاکستان کے مقامی وقت کے مطابق سہہ پہر 3بجے شروع ہوگا۔

خبر پر آپ کی رائے

اپنا تبصرہ بھیجیں