0

سی ڈی ڈبلیو پی اجلاس، راولپنڈی رنگ روڈ، لئی ایکسپریس وے سمیت 6 منصوبوں کی منظوری

اسلام آباد (مانند نیوز ڈیسک) سینٹرل ڈویلپمنٹ ورکنگ پارٹی (سی ڈی ڈبلیو پی)نے راولپنڈی رنگ روڈ اور لئی ایکسپریس وے سمیت 61 ارب سے زائد مالیت کے 6 منصوبوں کی منظوری دیدی۔ ڈپٹی چیئرمین پلاننگ کمیشن ڈاکٹر محمد جہانزیب خان کی زیر صدارت سی ڈی ڈبلیو پی کے اجلاس میں 60 کروڑمالیت کے 3 ترقیاتی منصوبے بھی منظور کرلئے گئے۔ منظور کئے گئے منصوبوں میں تجارت، صنعت، ٹرانسپورٹ اور مواصلات کے منصوبے شامل ہیں۔ بلوچستان کے ضلع گوادر کے علاقے گبد میں 22.65 کروڑ سے مشترکہ بارڈر مارکیٹ کے قیام، بلوچستان کے ضلع مند کے علاقے کیچ میں 18.39 کروڑ سے مشترکہ بارڈر مارکیٹ کے قیام، ضلع پنجگور کے علاقے گھیدی میں 18.45 کروڑ سے مشترکہ بارڈر مارکیٹ کے قیام کی منظوری دی گئی۔یہ مارکیٹیں دونوں جانب مساوی رقبے پر کل 40 ہزار مربع میٹر پر محیط ہوں گی۔ سی ڈی ڈبلیو پی کی جانب سے راولپنڈی رنگ روڈ بانتھ سے تھلیاں تک 38.3 کلومیٹر کا 23.60 ارب کا منصوبہ، لئی ایکسپریس وے کے منصوبے کے رائٹ آف وے کیلئے 750 کنال اراضی کی خریداری کا منصوبہ ایکنک کو بھجوایا گیا ہے۔رائٹ آف وے کیلئے اراضی کی خریداری کا منصوبہ 24.96 ارب روپے مالیت کا ہے۔ لئی ایکسپریس وے 16.5 کلومیٹر طویل کٹاریاں پل سے دریائے سواں تک طویل ہوگا۔سی ڈی ڈبلیو پی نے 12 ارب 8 کروڑ مالیت کا ٹینتھ ایونیو منصوبہ بھی ایکنک کو بھجوایا ہے، یہ منصوبہ آئی جے پی روڈ کو سرینگر ہائی وے سے جوڑے گا۔

Share and Enjoy !

Shares

اپنا تبصرہ بھیجیں