پشاور(بیورو رپورٹ ) سینئر سول جج کو لڑکی سے مبینہ زیادتی کیس میں گرفتار کرلیا گیا۔زرئع کے مطابق خیبرپختون خوا کے ضلع لوئر دیر میں سینئر سول جج کو ڈینٹل سرجری کی طالبہ کے ساتھ زیادتی کے الزام میں گرفتار کرلیا گیا ہے، جب کہ پولیس نے ایف آئی آر درج کرکے لڑکی کو میڈیکل کے لیے مقامی اسپتال منتقل کردیا ہے۔ ڈی پی او عرفان اللہ کے مطابق متاثرہ لڑکی چترال کی رہائشی اور پشاور میں بی ڈی ایس کی طالبہ بتائی جاتی ہے، اور اس کا بیان ہے کہ مقامی جج نے 15 لاکھ روپے رشوت لے کر نوکری دینے کا وعدہ کیا تھا، تاہم نوکری دینے کے بہانے اس نے اسے زیادتی کا نشانہ بنادیا،ڈی پی او نے بتایا کہ لڑکی کے بیان پر مقامی جج کے خلاف کے خلاف 376 پی پی سی کے تحت مقدمہ درج کرکے سینئر سول جج جمشید کنڈی کو گرفتار کرلیا گیا ہے، جب کہ زیادتی کاشکار ہونے والی لڑکی بھی پولیس کی حراست میں ہے۔رجسٹرار پشاور ہائیکورٹ نے ضلع لوئر دیر میں ریپ کے الزام میں گرفتار سینئر سول جج کو معطل کر دیاہے۔سینئر سول جج دیر پائین نے لڑکی کے ساتھ بلامبٹ میں زبردستی زنا کیسے کیا، اصل کہانی ایف ائی ار میں درج ہیں ایف ائی ار کی کافی درج ذیل ہے۔
