0

سندھ حکومت کا ویکسینیٹڈ افراد بطوربوسٹر فائزرو یکسین لگانے کا فیصلہ

کراچی (مانند نیوز ڈیسک) سندھ حکومت نے تمام ویکسینیٹڈ افراد بطوربوسٹرفائزرویکسین لگانے کا فیصلہ کر لیا۔سیکرٹری صحت سندھ ذوالفقارعلی شاہ نے کہا ہے کہ محکمہ صحت سندھ نے کورونا کی نئی لہر سے بچا ؤکے لئے اہم فیصلہ کرلئے ہیں، اور اب  تمام ویکسینیٹڈ افراد بطور بوسٹر فائزر ویکسین بھی لگوائیں گے، تاہم بوسٹر ڈوز لگانے کی کوئی فیس نہیں لی جائے گی۔سیکرٹری صحت سندھ ذوالفقارعلی شاہ کا اس حوالے سے کہنا ہیکہ ویکسینیشن کرنے والے تمام افراد بطور بوسٹر فائزر ویکسین لگواسکیں گے، فیصلہ حتمی طور پر کرلیا گیا ہے اور  آئندہ دو سے تین دنوں میں نوٹیفکیشن بھی جاری ہوجائے گا، فیصلہ کورونا کی نئی لہر سے حفاظتی تدابیر کے طور پر لیا گیا۔ انہوں نے کہا کہ کوئی سی بھی ویکسینیشن کے دو ڈوز مکمل ہونے کے بعد شہری بطور بوسٹر فائزر ویکسین لگواسکیں گے، فائزر ویکسین کو بطور بوسٹر پہلے بھی استعمال کیا جاچکا ہے، ائیرپورٹ پر ویکسینیشن کے حوالے سے فیصلہ وفاقی حکومت کرے گی، اس وقت بوسٹر ڈوز صرف جناح ہسپتال میں دستیاب ہے، کوشش ہے کہ بوسٹر ڈوز کا دائرہ پورے سندھ تک پھیلایا جائے، بوسٹر ڈوز لگانے کی کوئی فیس نہیں لی جائے گی۔

خبر پر آپ کی رائے

اپنا تبصرہ بھیجیں