0

بٹگرام کی تحصیلوں میں کھلی کچہریوں کا انعقاد

بٹگرام (مانند نیوز ڈیسک) ڈپٹی کمشنر بٹگرام اشفا ق خان نے کہا کہ صوبائی حکومت کے احکامات کی روشنی میں انتظامیہ اور عوام کے درمیان فاصلے کو بالکل ختم کیاجارہا ہے جس کے لئے ہنگامی بنیادوں پر بٹگرام کی تحصیلوں میں کھلی کچہریوں کا انعقاد کیاجارہا ہے تا کہ عوا می مسا ئل اور مشکلات کو ان کی دلہیز پر حل کیا ئے۔ان خیا لا ت کا اظہا ر انہو ں نے گزشتہ روز ضلعی انتظامیہ بٹگرام کی زیر نگرانی تحصیل بٹگرام کے دورافتادہ علاقے گڑنگ بھٹیاں میں منعقدہ کھلی کچہری  سے خطا ب کر تے ہو ئے کیا۔کھلی کچہر ی میں علاقہ عوام نے شرکت کرکے اپنے مسائل کے بارے میں حکام بالا کو آگاہ کیا۔کھلی کچہر ی میں عوا م کے علاوہ اسسٹنٹ کمشنر  بٹگرام شوکت علی،تحصیلدار بٹگرام سعید خان، ضلعی محکموں کے افسران,ریونیو سٹاف اور علاقہ مشران نے کثیر تعداد میں شرکت کی۔اس موقع پر کھلی کچہری میں علاقہ عوام نے اپنے مسائل کے بارے میں آگاہ کیا۔ ڈپٹی کمشنر نے تمام ماتحت محکموں کے افسران کو شکایات کے فوری حل کے لیے ہدایات جاری کیں۔۔اس موقع پر شرکاء نے ضلعی انتظامیہ بٹگرام کا کھلی کچہری کے انعقاد پر شکریہ ادا کیا۔

خبر پر آپ کی رائے

اپنا تبصرہ بھیجیں