0

ملاکنڈ میں اینٹی کرپشن ڈے منایا گیا

بٹ خیلہ (مانند نیوز ڈیسک) صوبے کے دیگر اضلاع کی طرح ضلع ملاکنڈ میں بھی بدھ کے روز اینٹی کرپشن ڈے منایا گیا اس سلسلے میں اسسٹنٹ کمشنر بٹ خیلہ محب اللہ خان کی قیادت میں ایک ریلی نکلالی گئی جس میں ضلع بھر کے تمام محکموں کے سربراہوں،نمائندوں اور مختلف سماجی تنظیموں کے نمائندوں نے شرکت کی ریلی کے شرکاء نے انٹی کرپشن کے بینرزاور پلے کارڈ بھی اٹھا رکھے تھے جن پر کرپشن کے خلاف نعرے درج تھے۔ ریلی کے اختتام پر اسسٹنٹ کمشنر نے خطاب کرتے ہوئے اس عزم کا اظہار کرتے ہوئے کہاکہ ضلع ملاکنڈ کو کرپشن فری ضلع بناکر عوامی خدمات کو شفاف طریقے سے فراہمی کو یقینی بنائیں گے۔انہوں نے مزید کہا کہ آج کے دن ہم سب مل کر یہ عہد کریں کہ ہم میں سے ہر ایک معاشرے کو بدعنوانی سے پاک کرنے کیلئے اپنا انفرادی اور اجتماعی کردار ادا کریگا اور کرپشن جیسے ناسور کے مکمل خاتمے اور ترقی یافتہ معاشرے کی تشکیل کے لیے بھرپور کوشش کریں گے۔انہوں نے کہا کہ اس دن کو منانے کا بنیادی مقصد سرکاری سطح پر کرپشن بددیانتی اور بدعنوانی کے مہلک اثرات کے بارے میں آگاہی پیدا کرنا ہے۔

Share and Enjoy !

Shares

اپنا تبصرہ بھیجیں