0

دونوں ٹانگوں سے معذور شخص بھی بلدیاتی انتخابات میں کامیاب

پشاور (مانند نیوز ڈیسک) خیبرپختونخوا کے بلدیاتی الیکشن میں وہیل چیئر پر انتخابی مہم چلانے والے امیدوار سلیم بھی کامیاب ہوگئے۔ حالیہ انتخابات میں حصہ لینے والے امیدوارسلیم مسیح نے اپنی وہیل چیئر پر بھرپور الیکشن مہم چلائی اور جب انہوں نے اپنی بیماری، معذوری اور شدید سردی کی بھی پرواہ نہیں کی تو حسب توقع اپنے حلقے سے بھاری اکثریت سے کامیابی بھی حاصل کرلی۔علاقہ مکینوں کا کہنا ہے کہ معذوری تب تک کچھ نہیں جب تک انسان خود ہار نہ تسلیم کرے۔ سلیم مسیح نے وہیل چیئر پر بیٹھے بیٹھے وہ کر دکھایا جو اس کے مقابلے میں تندرست لوگ نہیں کر سکے۔ ایسے لوگ ہمارے معاشرے میں جیتی جاگتی مشعل راہ ہیں۔سلیم مسیح کی کامیابی کے بعد ان کو اہل علاقہ کی جانب سے بھر پور مبارکباد پیش کی گئی اور انہیں پھولوں کے ہار بھی پہنائے گئے۔واضح رہے کہ سلیم مسیح یوسی 30 چراغ آباد سے اقلیتی نشست پر امیدوار تھے۔ انہوں نے اے این پی کے ٹکٹ پر سیٹ جیتی جبکہ ان کے مقابلے میں پیپلز پارٹی کے امیدوار تھے۔

Share and Enjoy !

Shares

اپنا تبصرہ بھیجیں