0

بہترین کرکٹر کا ایوارڈ شاہین آفریدی کے نام

دبئی(مانندنیوز ڈیسک) آئی سی سی ایوارڈز پر پاکستانی کرکٹرز کی حکمرانی جاری ہے، بابراعظم، محمد رضوان کے بعد شاہین شاہ آفریدی بھی ایوارڈ لے اڑے۔تفصیلات کے مطابق انٹرنیشنل کرکٹ کونسل (آئی سی سی) کی جانب سے کرکٹ کے مختلف فارمیٹس میں کئی گئی نامزدگیوں کا اعلان کرنے کا سلسلہ جاری ہے، سال 2021 میں شاندار کارکردگی کے عوض کرکٹ میں بھونچال لانے والے پاکستانی کرکٹر آئی سی سی ایوارڈ کے حق دار بن رہے ہیں۔قومی ٹیم کے فاسٹ بولر شاہین شاہ آفریدی نے آئی سی سی کے بہترین کرکٹر کا ایوارڈ اپنے نام کرلیا ہے، انگلش کپتان جوئے روٹ اور نیوزی لینڈ کے کین ولیمسن اور پاکستان کے محمد رضوان بھی اس نامزدگی کا حصہ تھے لیکن شاہین شاہ سب پر بازی لےگئے۔نوجوان فاسٹ بالر نے کیلنڈر ائیر میں 36 میچز میں 78 وکٹیں حاصل کیں، ٹی ٹوئنٹی ورلڈکپ میں شاہین نے بھارت کی بیٹنگ لائن کوتہس نہس کیا تھا, جس پر آئی سی سی نے شاہین آفریدی کو ’پلے آف دی ٹورنامنٹ‘ کے اعزاز سے نوازا تھا۔شاہین آفریدی کا اس موقع پر کہنا تھا کہ سال 2021 میں پاکستان ٹیم کی کارکردگی شاندار رہی۔اس سے قبل آج قومی کرکٹ ٹیم کے کپتان نے آئی سی سی ون ڈے کرکٹر آف دی ایئر کا ایوارڈ اپنے نام کیا تھا جبکہ گذشتہ روز (آئی سی سی) نے قومی کرکٹ ٹیم کے بیٹرز محمد رضوان کو گذشتہ سال 1326 انٹر نیشنل رنز بنانے پر سال کا بہترین ٹی ٹوئنٹی کرکٹر قرار دیا تھا۔کرکٹر آف دی ائیر کے لئے رضوان کے علاوہ وانندو ہسارنگا، مچل مارش اور جوز بٹلر کی نامزدگیاں ہوئیں تھی تاہم قرعہ ان کے نام نکلا تھا۔محمد رضوان نے سال 2021 میں مجموعی طور پر 29 ٹی ٹوئنٹی انٹرنیشنل میچز کھیلے تھے جس میں انہوں نے 73 اعشاریہ 66 کی اوسط سے 1326 رنز اسکور کیے، جس میں ایک سنچری بھی شامل تھی۔

Share and Enjoy !

Shares

اپنا تبصرہ بھیجیں