0

آسٹریلوی کرکٹ ٹیم 24سال بعد پاکستان پہنچ گئی

اسلام آباد (مانند نیوز ڈیسک) آسٹریلوی کرکٹ ٹیم 24 سال بعد پاکستان پہنچ گئی۔ آسٹریلیا کی کرکٹ ٹیم نے 24 سال بعد  خصوصی طیارے کے ذریعے اسلام آباد پہنچی، پاکستان کرکٹ بورڈ کے حکام نے مہمان ٹیم کا استقبال کیا۔ آسٹریلوی ٹیم 2 روزتک بائیوسیکیورببل میں رہے گی۔ آسٹریلوی کھلاڑیوں کے 2 روز بعد کورونا ٹیسٹ کئے جائیں گے،آسٹریلوی کرکٹرزکورونا ٹیسٹ منفی آنے پر پریکٹس کریں گے۔ آسٹریلوی ٹیم کی قیادت پیٹ کمنز کر رہے ہیں جبکہ دیگر کھلاڑیوں میں عثمان خواجہ، مارنوس لبوشین، سٹیو سمتھ، ناتھن لیون،جوش ہیزل ووڈ، مچل مارش، مچل سٹارک اور دیگر شامل ہیں۔ آسٹریلیا اور پاکستان کے درمیان تین ٹیسٹ، تین ون ڈے اور ایک ٹی 20 میچ شیڈول ہے۔ پاکستان اور آسٹریلیا کے مابین پہلا ٹیسٹ میچ چار مارچ سے راولپنڈی میں شروع ہوگا۔ دوسرا ٹیسٹ میچ 12مارچ سے کراچی میں کھیلا جائیگا جبکہ تیسرا ٹیسٹ میچ 21 مارچ سے لاہورمیں شروع ہوگا۔ ون ڈے میچز 29 مارچ،31 مارچ اور 2 اپریل کو راولپنڈی میں کھیلے جائیں گے۔

Share and Enjoy !

Shares

اپنا تبصرہ بھیجیں