0

اسلام آباد ہائی کورٹ نے پولیس کو حماد اظہر اور اسد قیصر کی گرفتاری سے روک دیا

 اسلام آباد (مانند نیوز ڈیسک) اسلام آباد ہائی کورٹ نے پولیس کو سابق وفاقی وزیر حماد اظہر اورسابق سپیکرقومی اسمبلی اسد قیصر کی گرفتاری سے روک دیا۔اسلام آباد ہائی کورٹ میں پی ٹی آئی لانگ مارچ کیس میں لاہورمیں درج مقدمے میں سابق وفاقی وزیرحماد اظہرکی5ہزارروپے کے مچلکوں کے عوض حفاظتی ضمانت منظورکرتے ہوئے پولیس کو گرفتاری سے روک دیا۔عدالت نے حماد اظہر کو11روز میں مقامی عدالت کے سامنے پیش ہونے کی ہدایت کی۔حماد اظہراپنے وکیل فیصل چوہدری کے ہمراہ عدالت میں پیش ہوئے۔اسلام آباد ہائیکورٹ نے پولیس کو قومی اسمبلی کے سابق سپیکراسد قیصر کی گرفتاری سے بھی روک دیا۔اسد قیصرکیخلاف پی ٹی آئی لانگ مارچ کے حوالے سے مقدمات درج ہیں۔اسلام آباد ہائی کورٹ نے اسد قیصر کی درخواست پرسیکرٹری داخلہ اوردیگرکو نوٹس جاری کرتے ہوئے سیکرٹری داخلہ اوردیگرفریقین کو آئندہ سماعت تک جواب جمع کرانے کی ہدایت کی۔عدالت نے اسد قیصر کے خلاف چاروں صوبوں اورایف آئی اے درج مقدمات کی تفصیل طلب کرتے ہوئے سماعت 2 ہفتوں کے لئے ملتوی کردی۔

Share and Enjoy !

Shares

اپنا تبصرہ بھیجیں