0

قبائلی بچے بھی کسی سے کم نہیں انشاء اللہ مستقبل میں یہ بچے ملک کی باگ ڈور سنبھالیں گے ، بریگیڈیئر ثاقب گلزار

پاراچنار (مانند نیوز ڈیسک) گونرز ماڈل سکول پاراچنار کے تقریب تقسیم انعامات کا انعقاد کیا گیا جس میں سکول کے طلبہ طالبات، والدین، سکول ٹیچرز، پاک فوج 73 بریگیڈ کے کمانڈر بریگیڈیئر ثاقب گلزار، اسسٹنٹ کمشنر امیر نواز، اسسٹنٹ ایجوکیشن آفیسر سید میر حسین، پروفیسر جمیل کاظمی، صحافیوں اور زندگی کے مختلف شعبوں سے تعلق رکھنے والے افراد نے شرکت کی تقریب میں بچوں نے حمد و نعت، ملی نغمے اور خاکے پیش کرکے حاضرین سے داد وصول کی تقریب سے خطاب کرتے ہوئے بریگیڈیئر ثاقب گلزار، اسسٹنٹ کمشنر امیر نواز اور پروفیسر جمیل کاظمی نے کہا کہ بچے ہمارا مستقبل اورقوم کے معمار ہیں انہوں نے کہا کہ آج بچوں کی کارکردگی کو دیکھ کے وہ دلی خوشی محسوس کررہے ہیں اور انہیں حوصلہ ملا ہے کہ قبائلی بچے ملک کے دیگر علاقوں کے بچوں سے کم نہیں اور انشاء اللہ بھرپور محنت کے بل بوتے پر مستقبل میں یہ بچے ملک کی باگ ڈور سنبھالیں گے اپنے خطاب میں پرنسپل اکبر نساء نے ادارے کی قیام سے لیکر اب تک کی کارکردگی اور ادارے کو درپیش مشکلات کے حوالے سے روشنی ڈالی اور معزز مہمانان گرامی کا شکریہ ادا کیا تقریب کے اختتام پر بریگیڈیئر ثاقب گلزار، اسسٹنٹ کمشنر امیر نواز، اسسٹنٹ ایجوکیشن آفیسر سید میر حسین اور پروفیسر جمیل کاظمی نے پرنسپل اکبر نساء کے ہمراہ بہترین پوزیشن حاصل کرنے والے طلبہ و طالبات پر انعامات تقسیم کئیں اور ادارے کی جانب سے بریگیڈیئر ثاقب گلزار، اے سی امیر نواز، ممتاز ماہر تعلیم پروفیسر جمیل کاظمی، اسسٹنٹ ایجوکیشن آفیسر سید میر حسین اور میڈیا نمائندگان کو شیلڈ پیش کئیں

خبر پر آپ کی رائے

اپنا تبصرہ بھیجیں