0

وزیراعظم کا سوات میں آگ بجھانے کیلئے 2 ہیلی کاپٹر فراہم کرنے کا حکم

اسلام آباد (مانند نیوز ڈیسک) وزیراعظم میاں محمد شہباز شریف نے سوات کے علاقے پتنئی میں آگ بجھانے کے لئے 2 ہیلی کاپٹر فراہم کرنے کا حکم دیا ہے۔وزیر اعظم شہباز شریف نے نیشنل ڈیزاسٹر مینجمنٹ اتھارٹی کی درخواست پر فوری کارروائی کا حکم دیا۔ ضلعی انتظامیہ، محکمہ جنگلات / ریسکیو 1122 مل کر تحصیل بابوزئی کے پتنئی مینگورہ میں آگ بجھا رہے ہیں۔وزیر اعظم کے فوکل پرسن برائے ڈیجیٹل میڈیا ابوبکر عمر کی جانب سے جاری بیان کے مطابق خشک موسم اور تیز ہوا کے سبب آگ کو مزید پھیلنے سے بچانے کے لئے ہیلی کاپٹرز مانگے گئے تھے۔وزیراعظم شہباز شریف نے خیبرپختونخوا کی ضلعی انتظامیہ اور معاون اداروں کی درخواست فوری منظور کرتے ہوئے آگ بجھانے کی ہدایات جاری کیں اور وفاقی حکومت کے ہر ممکن تعاون کا حکم دیا ہے۔

Share and Enjoy !

Shares

اپنا تبصرہ بھیجیں