0

بجٹ پنجاب کے عوام کیلئے ہوا کا خوشگوار جھونکا ہے، حمزہ شہباز

لاہور (مانند نیوز ڈیسک) وزیرِ اعلیٰ پنجاب حمزہ شہباز نے کہا ہے کہ نئے مالی برس کا بجٹ صوبے کے 12 کروڑ عوام کے لیے ہوا کا خوش گوار جھونکا ہے۔یہ بات پنجاب کے وزیرِ اعلیٰ حمزہ شہباز نے لاہور سے جاری کیے گئے ایک بیان میں کہی ہے۔انہوں نے کہا کہ کم عرصے میں انتہائی محنت اور عرق ریزی سے بجٹ دستاویز تیار کی گئی، یہ بجٹ اعداد و شمار کی روایتی جادوگری نہیں بلکہ خلقِ خدا کی ریلیف کی حقیقی دستاویز ہے۔ حمزہ شہباز نے کہا ہے کہ ہماری سیاست کا محور عام آدمی کی مشکلات میں کمی لانا ہے، بجٹ میں بھی محروم معاشی طبقے کی فلاح پر فوکس کیا گیا۔انہوں نے کہا ہے کہ پنجاب کے 12 کروڑ عوام کے لیے مشکل حالات میں بہترین بجٹ پیش کیا ہے جس سے صوبے کے عوام کے لیے آسانیاں پیدا کی ہیں۔وزیرِ اعلیٰ پنجاب نے کہا کہ اس ٹیکس فری اور ترقیاتی بجٹ سے صوبے میں ترقی اور خوش حالی کے نئے دور کا آغاز ہو گا۔انہوں نے کہا ہے کہ یہ بجٹ صوبے کی پائیدار ترقی و خوش حالی کا روڈ میپ ہے۔

Share and Enjoy !

Shares

اپنا تبصرہ بھیجیں