انڈونیشیا کے صدر امن مشن کیلئے یوکرین اور روس کا دورہ کریں گے

جکارتہ (مانند نیوز ڈیسک) انڈونیشیا کے صدر جوکو ویدود امن مشن کیلئے یوکرین اور روس کا دورہ کریں گے۔ غیر ملکی خبر رساں ادارے کے مطابق انڈونیشین صدر جوکو ویدود کا کہنا ہے کہ روسی صدرپیوتن پر یوکرین میں فوری جنگ بندی کے لیے زور دوں گا۔ انہوں نے کہا کہ روسی اور یوکرینی ہم منصبوں پر زور دوں گا کہ مذاکرات کے لیے راہیں ہموار کریں۔ ان کا یہ بھی کہنا تھا کہ عالمی خوراک کی سپلائی چین دوبارہ فعال کرنے کی ضرورت ہے۔