چترال (مانند نیوز) پولو کو کھیلوں کا بادشاہ یا بادشاہوں کا کھیل بھی کہا جاتا ہے۔مگر بادشاہوں کا یہ کھیل نہایت مہنگا کھیل بھی ہے۔چترال کے شاہی مزاج لوگوں نے صدیوں سے ابھی تک اس کھیل کو زندہ رکھا ہوا ہے۔لوئیر چترال میں ضلعی انتظامیہ کی تعاون سے دس روزہ ڈسٹرکٹ یوتھ پولو فیسٹیویل احتتام پذیر ہو ا جس میں تحصیل دروش اور تحصیل چترال کے 17 ٹیموں نے حصہ لیا۔ فائنل میچ دروش اور چترال کے پولو ٹیموں کے درمیان کھیلا گیا۔ چونکہ دروش کا پولو گراؤنڈ پچھلے 38 سالوں سے ویراں پڑا ہے جس کی وجہ سے وہاں کے کھلاڑیوں کو پولو کی پریکٹس کرنے کی سہولت میسر نہیں مگر اس کے باوجود انہوں نے بہت اچھا پولوکھیلا۔فائنل میچ میں چترال پولو ٹیم نے ایک کے مقابلے میں تین گولو سے دروش پولو ٹیم کو شکست دیکر فائنل ٹرافی اپنے نام کردی۔ پولو کوچ آفتاب عالم کا کہنا ہے کہ پولو ایک مہنگا کھیل ہے جو حکومت کی توجہ چاہتی ہے اس سے سیاحت بھی فروغ پاسکتی ہےفائنل میچ کے موقع پر ڈپٹی کمشنر لوئیر چترال انوار الحق مہمان حصوصی تھے جنہوں نے کھلاڑیوں میں ٹرافی اور انعامات بھی تقسیم کئے۔ ڈی سی چترال کا کہنا ہے کہ پولو کھیل کو مزید ترویج دیکر اس کی ذریعے سیاحت کو بھی فروغ دیں گے۔ڈسٹرکٹ سپورٹس آفیسر چترال عامر زمان نے میڈیا سے بات چیت کرتے ہوئے کہا کہ اب چترال بھر میں کھیل کے میدانوں میں پھر سے رونق آئے گی۔اس موقع پر دروش پولو ٹیم کا کھلاڑی شہزادہ حشام الملک نے بھی اظہار حیال کرتے ہوئے کہا کہ دروش کے کھلاڑیوں میں بھی بہت پوٹینشل موجود ہیں مگر حکومت کو چاہئے کہ پولو کے کھیل پر بھی توجہ دےپولو کے بادشاہ یا بادشاہوں کے اس کھیل کو دیکھنے کیلئے کثیر تعداد میں تماشائی میدان میں موجود تھے۔ کھیل کے احتتام پر کھلاڑیوں نے حسب روایات بھنگڑا بھی ڈالا جس سے ناظرین نے لطف اٹھایا۔
0
