0

رنگے ہاتھوں پکڑے جانیوالے چور سزا سے بچنا چاہتے ہیں،شہبازشریف

اسلام آباد (مانند نیوزڈیسک)وزیراعظم میاں محمد شہباز شریف نے قومی اداروں کے خلاف پاکستان تحریک انصاف کے چیئرمین اور سابق وزیر اعظم عمران خان کی مہم کی شدید مذمت کرتے ہوئے کہا ہے کہ رنگے ہاتھوں پکڑے جانے والے چور اب اداروں کو بدنام کرکے اپنے جرم کی سزا سے بچنا چاہتے ہیں۔ پاکستان کے قومی مفادات سے کھیلنے والوں کو قانون کو جواب دینا پڑے گا۔سفارتی سائفر میں ردوبدل کر کے قومی سلامتی سے کھیلا گیا۔ ان خیالات کااظہار وزیر اعظم شہباز شریف نے سوموار کے روز اپنے ایک بیان میں کیا۔ وزیر اعظم نے کہا کہ عوام کے بعد اب سازشی اداروں میں انتشار پھیلانے کی کوشش کررہا ہے۔ قانون سب کے لئے برابر ہے، مقبول ہونے کا مطلب قانون سے بالاتر ہونا کیسے ہو گیا؟آپ کی آڈیولیکس نے پاکستان کے مفادات کے خلاف سنگین سازش بے نقاب کردی۔

خبر پر آپ کی رائے

اپنا تبصرہ بھیجیں