0

ملک میں قانون کی بالادستی کے بغیر اہم ٹاسک حاصل نہیں کئے جاسکتے، عمران خان

لاہور(مانند نیوز ڈیسک) پاکستان تحریک انصاف کے چیئرمین اور سابق وزیراعظم عمران خان نے کہا ہے کہ ملک میں قانون کی بالادستی کے بغیر اہم ٹاسک حاصل نہیں کئے جاسکتے۔لاہور میں چیئرمین پاکستان تحریک انصاف عمران خان سے پنجاب پولیس کے سابق آئی جیز نے زمان پارک میں ملاقات کی، ملاقات میں سابق آئی جیز شوکت جاوید، چودھری یعقوب، خواجہ خالد فاروق اور طارق پرویز شریک ہوئے، پاکستان تحریک انصاف کے رہنما فواد چوہدری اور حسان خاور بھی اس موقع پر موجود تھے۔ملاقات میں سابق آئی جیز نے پولیس ریفارمز اور کریمنل جسٹس سسٹم اصلاحات حوالے سے اپنے نکتہ نظر سے چیئرمین پی ٹی آئی عمران خان کو آگاہ کیا۔سابق وزیراعظم عمران خان نے دوران ملاقات گفتگو کرتے ہوئے کہا کہ ملک میں قانون کی بالادستی ناگزیر ہے، پولیس ریفارمز اور کریمنل جسٹس سسٹم میں بہتری کے لئے اصلاحات کی ضرورت ہے، ملک میں قانون کی بالادستی کے بغیر اہم ٹاسک حاصل نہیں کئے جاسکتے۔چیئرمین پی ٹی آئی نے کہا کہ ملک میں قانون کی بالادستی معاشی سرگرمیوں اورسرمایہ کاری کے لئے بہت ضروری ہے۔

Share and Enjoy !

Shares

اپنا تبصرہ بھیجیں