0

 مریم نواز نے پارٹی کی تمام انتظامی عہدوں کی کارکردگی رپورٹ طلب کر لی

اسلام آباد (مانند نیوز ڈیسک) پاکستان مسلم لیگ (ن)کی سینئر نائب صدر مریم نواز نے پارٹی کی تمام انتظامی عہدوں کی کارکردگی رپورٹ طلب کر لی،مریم نواز کا تمام انتظامی عہدوں کی کارکردگی کو دیکھتے ہوئے اہم تبدیلیوں کا بھی امکان ہے۔ مریم نواز کو مسلم لیگ ن لاہور کی صدارت کے لئے رانا مشہود احمد اور سیف الملوک کھوکھر سمیت تین نام موصول ہوئے ہیں۔ مریم نواز پارٹی کے سینئر رہنماؤں سے مشاورت کے بعد لاہور کی صدارت کا فیصلہ کریں گی جبکہ سیف الملوک کھوکھر مسلم لیگ ن لاہور کی صدارت کے لئے فیورٹ ہیں۔اس کے علاہ مریم نواز کا خراب کارکردگی کا مظاہرہ کرنے والے پارٹی عہدیداروں کو فارغ کیے جانے کا بھی امکان ہے۔ذرائع نے مزید بتایا کہ مریم نواز ملک بھر میں پارٹی کو متحرک کرنے کے لئے دورے بھی کریں گی جبکہ انکا نوازشریف سے پہلے رواں ماہ کے آخری ہفتے پاکستان آنے کا بھی امکان ہے۔

Share and Enjoy !

Shares

اپنا تبصرہ بھیجیں