0

ڈپٹی کمشنر کا کرک میں ڈرگ سنٹر کی توسیع کا افتتاح

 کرک (مانند نیوز)ڈپٹی کمشنر کرک احمد زیب نے ڈی پی او کرک خانزیب خان مہمند کے ہمراہ کے ڈی اے کرک میں سنٹر برائے عادی منشیات کا دورہ کیا۔ ڈپٹی کمشنر نے ڈرگ سنٹر کی توسیع کا افتتاح کیا اور سنٹر کو مزید توسیع دیتے ہوئے فراہم کردہ بستروں و دیگر اہم ضروریات زندگی کا بھی معائنہ کیا۔ ڈی سی کرک اور ڈی پی او کرک نے سنٹر میں موجود مریضوں کیساتھ بھی ملاقات کرکے ان کی حوصلہ افزائی کی اور کہا کہ ہفتہ وار ڈاکٹرز دورہ کرکے چیک اپ کریں گے۔ انہوں نے ڈسٹرکٹ آفیسر سوشل ویلفیئر کرک کی کارکردگی کو سراہا اور ان کو ضروری ہدایات جاری کرتے ہوئے کہا کہ مریضوں کی دیکھ بھال اور ان کو سہولیات کی فراہمی میں کسی بھی قسم کی کوتاہی نہ کریں تاکہ منشیات کے عادی افراد بہترین طریقے سے اپنا علاج مکمل کرکے معاشرے کے ذمہ دار شہری بن کر اپنا اور اپنے خاندانوں کا سہارا بن سکیں۔

Share and Enjoy !

Shares

اپنا تبصرہ بھیجیں