0

قوم پر مسلط کردہ امپورٹڈ حکومت کو ہرگز تسلیم نہیں کرتا، عمران خان

لاہور (مانند نیوز) چیئرمین تحریک انصاف عمران خان کا کہنا ہے کہ قوم پر مسلط کردہ امپورٹڈ حکومت کو ہرگز تسلیم نہیں کرتا۔
تفصیلات کے مطابق چیئرمین تحریک انصاف عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ قوم پر مسلط کردہ امپورٹڈ حکومت کو ہرگزتسلیم نہیں کرتا،سازش ، ہارس ٹریڈنگ کے ذریعےامپورٹڈ حکومت مسلط کی گئی۔
عمران خان کا کہنا تھا کہ 10 ماہ میں اس حکومت کے ہاتھوں معیشت کی تباہی ہوئی، فسطائیت کے ذریعے جمہوریت کا قتل کیا گیا، بنیادی حقوق کا خاتمہ،دہشت گردی ناک تلےپھیلنےکی اجازت دی۔

یاد رہے سابق وزیراعظم عمران خان نے کہا تھا کہ قیامت آگئی ہے جو آصف علی زرداری نے مجھ پر ہتک عزت کا دعویٰ کیا ہے، میں تو شکر ادا کر رہا ہوں کہ یہ کیس عدالت میں جائے گا۔

سابق صدر کو مخاطب کرتے ہوئے عمران خان کا کہنا تھا کہ عدالت میں سب سے پہلے آپ سے پوچھا جائے گا کہ کیا آپ کی کوئی عزت ہے جو خراب ہوئی ہے؟ دکھایا جائے گا کہ پوری دنیا میں آپ کو مسٹر ٹین پرسنٹ کہا جاتا تھا۔

Share and Enjoy !

Shares

اپنا تبصرہ بھیجیں