باجوڑ(نمائندہ خصوصی) باجوڑ۔ضلعی انتظامیہ باجوڑ اور محکمہ سپورٹس کے زیر اہتمام باجوڑ سپورٹس کمپلیکس میں باجوڑ کرکٹ لیگ BCL کی ٹرافی رونمائی اور افتتاحی تقریب کا انعقاد کیا گیا۔ تقریب میں باجوڑ کرکٹ لیگ کے چیئرمین ڈپٹی کمشنر باجوڑ محمد انوار الحق نے بطورِ مہمان خصوصی شرکت کی۔ افتتاحی تقریب میں انتظامی افسران، پولیس،ضلعی عمائدین، سیاسی وسماجی مشران، ڈسٹرکٹ سپورٹس ایسوسی ایشن ضلع باجوڑ کے مختلف علاقوں سے تعلق رکھنے والے کھلاڑیوں اور مقامی لوگوں نے کثیر تعداد میں شرکت کی۔ جس کے بعد جے یو آئی (ف) کنونشن پر دہشت گردانہ حملے میں شہداء کے ایصال ثواب کیلئے خصوصی دعا کی گئی۔ تقریب سے خطاب کرتے ہوئے ڈپٹی کمشنر باجوڑ نے سیاسی رہنماؤں، قومی مشران، پولیس، میڈیا، مقامی لوگوں کو باجوڑ کرکٹ لیگ تقریب میں شرکت کرنے پر خوش آمدید کہا۔ ڈی سی باجوڑ نے کہا کہ کھیل کود صحت مند معاشرے کی علامت ہے اور تمام شہریوں کو سپورٹس سرگرمیوں میں بڑھ چڑھ کر حصہ لینا چاہئے اور ملک اور قوم کا نام روشن کرنا چاہیے۔ باجوڑ کرکٹ لیگ کے چیئرمین ڈپٹی کمشنر باجوڑ نے باجوڑ کرکٹ لیگ کے کامیاب تقریب کے انعقاد پر سپورٹس ایسوسی ایشن اور مینجمنٹ اور تمام منتظمین کا شکریہ ادا کیا۔ تقریب کے اختتام پر ڈپٹی کمشنر باجوڑ محمد انوار الحق، اسسٹنٹ کمشنر خار محب اللہ خان یوسفزئی، ڈسٹرکٹ سپورٹس آفیسر باجوڑ تاج محمد وزیر نے اونر اور کھلاڑیوں میں شرٹ تقسیم کیے۔ آخر میں ملک کی سلامتی اور امن و امان کے لئے خصوصی دعا کی گئی۔
0
