0

ٹی 20 ورلڈ کپ سپر 8 کا پہلا بڑا اپ سیٹ، افغانستان نے آسٹریلیا کو شکست دیدی

کنگز ٹاون (مانند نیوز) آئی سی سی مینز ٹی 20 ورلڈ کپ کے سپر 8 مرحلے کا پہلا بڑا اپ سیٹ ہوگیا، افغانستان نے آسٹریلیا کو 21 رنز سے شکست دیدی۔ کنگز ٹاون میں کھیلے جا رہے ٹی 20 ورلڈ کپ کے 48 ویں میچ میں آسٹریلیا نے افغانستان کے خلاف ٹاس جیت کر پہلے فیلڈنگ کا فیصلہ کیا۔ افغان کرکٹ ٹیم نے پہلے بیٹنگ کرتے ہوئے آسٹریلیا کو جیت کیلئے 149 رنز کا ہدف دیا تھا جس کے تعاقب میں آسٹریلوی ٹیم 127 رنز پر پویلین لوٹ گئی۔ آسٹریلیا کی جانب سے ڈیوڈ وارنر3، مچل مارش 12 اور ٹریوس ہیڈ بغیر کوئی رنز بنائے پویلین لوٹے، گلین میکسویل 59، مارکوس اسٹوئنس 11اور ٹم ڈیوڈ 2 رنز بنا کر آٹ ہوئے۔ افغانستان کے گلبدین نے 4 کھلاڑی کو پویلین کی راہ دکھائی، نوین الحق نے 3، عظمت اللہ عمرزئی، محمد نبی اور راشد خان نے ایک ایک وکٹ حاصل کی۔ قبل ازیں افغانستان کی ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 148 رنز بنائے، افغان اوپنر رحمان اللہ گرباز اور ابراہیم زدران نے ٹیم کو 118 رنز کی شراکت سے شاندار آغاز فراہم کیا، رحمان اللہ گرباز نے 49 گیندوں پر 60 رنز بنائے جبکہ ابراہیم زدران نے 48 گیندوں پر 6 چوکوں کی مدد سے 51 رنز داغے۔ افغانستان کی جانب سے کریم جنت 13 رنز بنا کر آوٹ ہوئے جبکہ محمد نبی 10 رنز بنا کر ناٹ آوٹ رہے۔ آسٹریلیا کے پیٹ کمنز نے اپنے 4 اوورز میں 28 رنز کے عوض لگاتار3 وکٹیں لیکر رواں ٹی 20 ورلڈ کپ میں ایک اور ہیٹرک کرنے کا اعزاز اپنے نام کیا، ایڈم زمپا 2 اور مارکس اسٹائنس بھی 1 وکٹ حاصل کرنے میں کامیاب رہے۔ افغانستان کی ٹیم میں رحمت اللہ گرباز، ابراہیم زردان، گلبدین نائب، عظمت اللہ عمر زئی، محمد نبی، کریم جنت، ننگیالیا خروٹے، راشد خان (کپتان)، نور احمد، نوین الحق، فضل حق فاروقی شامل جبکہ آسٹریلیا کی ٹیم میں ٹریوس ہیڈ، ڈیوڈ وارنر، مچل مارش (کپتان)گلین میکسویل، مارکوس اسٹوئنس، ٹم ڈیوڈ، میتھیو ویڈ، پیٹ کمنز، ایشٹن ایگر، ایڈم زمپا، جوش ہیزل ووڈ شامل ہیں۔

Share and Enjoy !

Shares

اپنا تبصرہ بھیجیں