0

نو تعینات دبنگ ایس ایچ او سٹی کی کاروائی، قتل مقدمہ میں مطلوب اشتہاری کو گرفتار کرلیا

کرک (مانند نیوز ڈیسک) خفیہ اطلاع پر کامیاب کاروائی کے دوران اشتہاری گرفتار کر لیا گیا۔ تفصیلات کیمطابق تھانہ کرک سٹی کے نو تعینات دبنگ ایس ایچ او قسمت خان نے ایک خفیہ اطلاع پر اہم کاروائی کرتے ہوئے تھانہ خرم پولیس کو قتل اور اقدام قتل کے مقدمہ میں مطلوب اشتہاری مجرم ہمراز اللہ ولد لعل فراز سکنہ بہادر خیل کو گرفتار کر لیا۔ ایس ایچ او قسمت خان نے اپنے ایک پیغام میں جرائم پیشہ افراد کیخلاف جنگ کا اعلان کرتے ہوئے کہا کہ انشاء اللہ بہت جلد کرک کے حدود کو جرائم سے پاک کرکے قانون شکن عناصر کو قانون کے سامنے گھٹنے ٹیکنے پر مجبور کر دونگا اور جرائم پیشہ عناصر کو جرائم سے توبہ کرنے پر مجبور کر دونگا۔ کسی بھی مجرم یا منشیات فروش کو کرک کے حدود میں رہنے کی اجازت نہیں ہے یا جرائم پیشہ خود بخود قانون کے سامنے سرنڈر کرلیں نہیں تو ان کیخلاف قانون کے مطابق پوری قوت اور طاقت سے ایکشن لیا جائے گا۔

خبر پر آپ کی رائے

اپنا تبصرہ بھیجیں